AKU: 2.1 milionë lekë gjoba, 400 tonë produkte të bllokuara gjatë prillit

Autoriteti Kombëtar i Ushqimit, në kuadër të përmbushjes së misionit të tij, për garantimin e sigurisë ushqimore, gjatë muajit prill ka kryer në shkallë vendi, 2916 kontrolle në stabilimentet e Operatorëve të Biznesit Ushqimor.

AKU bën të ditur se, 6519 kontrolle janë kryer në Pikat e Inspektimit Kufitar ku dhe janë marrë 144 mostra për t’u analizuar në laboratorin e ushqimit. Sipas AKU-së, 6 kthime në vendin e origjinës janë kryer nga PIK Morinë, Han i Hotit, Kapshticë dhe Vlorë, për produkte të identifikuara jashtë standardeve të sigurisë ushqimore.

Ndërsa janë dhënë për shkeljet e konstatuara 16 masa administrative “gjobë” në vlerën me vlerë 2.1 milionë lekë dhe 501 masë administrative “paralajmërim” dhe 2 masa administrative “ndërprerje aktiviteti”. Gjatë muajit prill, AKU ka bllokuar 413. 82 ton produkte që janë konstatuar jashtë standardeve për konsum.

Author
Hermes News

Redaksia

Shkruaj një koment

0 Komentet