Në Shqipëri nuk ka asnjë rast të "lisë së majmunit" dhe as të hepatitit raporton nëndrejtori i institutit të shëndetit publik Dritan Ulqinaku. Lajmi bëhet i ditur nga e përditshmja "Sot". Teksa në shumë vende të botës qytetarët janë të alarmuar nga përhapja e dy sëmundjeve, Dritan Ulqinaku, tha se: "Zyrtarisht jo, nuk kemi identifikuar akoma asnjë rast të dyshuar me sëmundjen e njohur si lija e majmunëve. Nëse ka ndonjë formë të fshehur që në ditët në vazhdim do nxjerrë kokën, do jemi në kontakt,” u shpreh ai në fjalën e tij. Ndryshe është situata për "hepatitin e akut", për të cilin autoritetet thonë se ka raste të dyshuara. "Lija e majmunit" dhe hepatiti akut janë dy sëmundje që kanë ngjallur frikë dhe alarm tek autoritetet shëndetësore në mbarë botën.