Reshje shiu në jug, ngrica në veri/ ARRSH: 'Ndërhyrje e menjëhershme në disa akse rrugore'

Autoriteti Rrugor Shqiptar (ARRSH) informoi sot mbi gjendjen e akseve rrugore në vend, pas reshjeve të dendura të shiut që kanë përfshirë vendin tonë ditët e fundit dhe kanë vijuar edhe gjatë natës së mbrëmshme.

Sipas ARRSH-së, në rajonin jugor janë rikthyer reshjet e shiut gjatë natës.

Ndërsa në rajonin verior temperaturat e ulëta kanë sjellë ngrica të mëdha nga pesha e të cilave ka rënie të shtyllave e pemëve në rrugën Bajram Curri-Valbonë, ku është bërë ndërhyrja e menjëhershme me mjete e punëtorë që të kthejnë qarkullimin e mjeteve në gjendje normale.

ARRSH bën të ditur se, problematika kryesore ka qenë rënia dhe rrëshqitja e aluvioneve në trup të rrugës, si në: Skuraj-Burrel, Peshkopi-Qaf Draje, Librazhd –Zgosht, ku është punuar dhe po punohet për pastrimin e plotë të rrugës. “Ndërkohë që kontraktorët janë në terren në gatishmëri për çdo situatë”, thekson ARRSH.

Author
Hermes News

Redaksia

Shkruaj një koment

0 Komentet