Infeksionet në Izrael në nivelin më të lartë të të gjitha kohërave

Numri i infeksioneve të reja me koronavirus në Izrael ka arritur nivelin më të lartë të të gjitha kohërave që nga fillimi i pandemisë.

Ministria izraelite e Shëndetësisë tha se 11 978 raste të reja u regjistruan brenda 24 orëve. Numri më i lartë i mëparshëm ishte 11 345 më 2 shtator 2021.

Në funksion të valës së infeksioneve me variantin Omicron të koronavirusit, Izraeli filloi vaksinimin e dozes së katërt të personave mbi 60 vjeç dhe stafit mjekësor këtë javë.

Sipas një studimi nga spitali ”Shiba” pranë Tel Avivit, doza e katërt e vaksinimit me preparatin BioNTech/Pfizer rrit numrin e antitrupave kundër Omicron pesë herë brenda një jave.

Kryeministri izraelit, Naftali Bennett paralajmëroi se numri i rasteve mund të rritet në 50 000 në ditë gjatë valës Omicron.

“Stuhia’ Omicron po bëhet më e fortë’’, deklaroi Bennett.

Vetëm rreth 61 për qind e 9,4 milionë izraelitëve konsiderohen të vaksinuar me dy doza dhe shumë prej tyre kanë marrë edhe dozen e tretë përforcuese.

Author
Hermes News

Redaksia

Shkruaj një koment

0 Komentet