Ja pse nuk duhet të ketë gjithmonë shitje me oferta - Doriana Metollari

Sot dua të flas për shitjet online, në Shqipëri, them në Shqipëri sepse edhe këtu si në shumë vende të tjera, shitjet online kanë një rritje të konsiderueshme. Sidomos dyqanet online. Veshjet po ecin shumë mirë në pjesën më të madhe të këtyre profileve online, dhe kjo për disa arsye:

- e para kanë një katalog shumë të mirë fotosh,

- e dyta çmimet janë shumë herë më të lira se ti marrësh në dyqan.

- e treta blerjet online janë impulsive, emocionale.

Le ti shohim në detaj të tre arsyet.

1. Prezantimi i produktit. Po, prezantimi i produktit online është esencial. Keni një produkt me të gjitha parametrat e duhura, dhe doni ta shini online? Atëherë me siguri ju duhet të siguroni një set të mirë fotografish, ose një desing grafik që të jetë në lartësinë e produktit. E nënvizoj këtë sepse një post ka parametra teknik. E kam fjalën për prezantimin që i bëni në Facebook apo në Instagram. Gabimi më i madh që bëhet në të tilla raste janë postet jo profesionale që marrin përsipër të bëjnë shumë, por që nuk përmbajnë thuajse asnjë parametër teknik për rrjetet sociale. Produkti në prezantim është e rëndësishme të jetë me standarte dhe përmasat e duhura, ndryshe do të influenconi negativisht në cilësinë e produktit ose shërbimit.

2. Arsyeja e dypse pse njerezit blejne online, jane çmimet e mira (në pjesën më të madhe të rasteve) dhe prakticiteti. Pse çmimet dhe pse prakticiteti? Atëherë së pari, çmimet janë më të mira pikërisht për shkak të no tax që ka shitja e një produkti online. Veç kësaj ke mundësi të shesësh pa kaluar nëpër banka, pa komisione, dhe ky është një tjetër avantazh. Klienti e merr produktin dhe paguan cash në dorëzim. Për shitjet brenda tiranes mund të paguash një postë private, ka shumë me çmime të mira, dhe produkti të vjen brenda ditës, ose ditën tjetër kur klienti është në qytet tjetër. Rëndësi ka cilësia e produktit, jo ku ndodhet. Ai bëhet gjithsesi i yti në pak kohë.

3. Arsyeja e tretë janë blerjet emocionale. Një blerje online është thuajse gjithmonë një blerje emocionale. Provoni të prisni ditën tjetër, a do ta donit prapë atë produkt? Ajo çfarë të shtyn ta marrësh aty për aty është gjithmonë emocion i fortë që të sjell blerja, prandaj është shumë e rëndësishme forma me të cilën ti i drejtohesh klientit.

Deri ketu u kuptuam? Ok, tani kalojmë tek një problem tjetër po kaq me rëndësi, që shumë prej klientëve të mi e gjejnë në shitjen online. Pse nuk funksionojnë ofertat gjithmonë? Ju bëni një ofertë dhe keni një boom shitjesh. Pastaj bëni një ofertë tjetër dhe asgjë, shitjet nuk lëvizin, ose shumë pak. Shumë oferta por nuk arrini të rrisin çmimet.

Të njëjtën gjë mendojnë të gjithë. Kaq e thjeshtë qenka të shesësh? Eshtë një mentalitet i përhapur nëpër thuajse të gjitha shitjet online. Pse nuk arrij të shes kur bëj prapë giveaway, ose oferta? Në kompaninë tonë, asnjëherë nuk i sugjerojmë klientëve të shesin me oferta. Ofertat janë të rëndësishme, por jo shumë të shpeshta. Ajo për te cilen ju duhet te merreni nuk eshte oferta, por cilesia e produktit apo sherbimit. Kjo nenkupton komunikimin mbi imazhin e shërbimit apo produktit tuaj. Merruni me të gjitha këto, imazhin, komunikimin, edukimin e klientëve me produktin tuaj dhe do të rrisni shitjet, sot për nesër.

Edukimi i klientit nënkupton automatikisht krijimin e një klienti ka besim tek ju, do të vijë tek ju, do t'ju zgjedhë edhe pse nuk keni oferta për të bërë. Kjo ka rëndësi, të krijoni klientë besnikë. Në një plan afatgjatë kjo është gjëja më e rëndësishme për një biznes. Boll me giveaway, boll me oferta, boll me ulje cmimesh nuk iu duhen. Ju duhet të merreni me produktin, shërbimin, imazhin, komunikimin. Ju keni nevojë që të bëni dhe diçka tjetër në fund.

Silluni mire, silluni gjithmonë mirë. Nuk është optional, është must. Nëse një klient kërkon të dijë diçka më tepër për një produkt të caktuar, jepini informacion për këtë produkt. Nuk ka rëndësi nëse ky klient nuk do të blejë për momentin, gjithsesi ju duhet ti përgjigjeni të gjitha mesazheve që iu vijnë në inbox, nga të gjithë klientët qofshin blerës ose jo. Ajo cfarë ka rëndësi është që ju të mendoni për imazhin e biznesit tuaj, sot, për nesër.

Mënyra sesi komunikoni është një tjetër argument për tu evidencuar. Lëreni derën hapur gjithmonë, përgjigjuni në atë formë që ata të ndjehen mirë me ju edhe pse nuk blejnë. Kjo sjellje me siguri do ti ngelë në mendje dhe nëse një ditë do ti duhet një produkt si i juaji, do të vijne tek ju.

Author
Hermes News

Redaksia

Shkruaj një koment

3 Komentet

  1. Klienti eshte mbret  e Enjte 20 Maj, 2021

    Klienti eshte mbret eshte shprehje e kohes se Adam Smithit Cilesia duhet te perputhet me cmimin si vend i vogel qe eshte bli Shqip nuk e dime a ka kuptim sepse vetem importojme ne rastin e rrobave dhe zbritjet reale aplikohen ne raste mbylljesh dhe likuidimi Artikulli shume I bukur Doriana

  2. Klienti  e Enjte 20 Maj, 2021

    Klienti tipik ka qene a keni ndonje zbritje se jane cmimet lart dhe ne disa raste blerje direkte pa valutuar per cmimet

  3. Modern society   e Enjte 20 Maj, 2021

    Eshte tregu i te ardhmes, nje shkrim shume i bukur.