Lagjja e Rilindjes së Vaqarrit/ Rama ndan pamje nga kantieri i rindërtimit

Lagjja e re në Vaqarr për familjet e prekura nga tërmeti, po ndërtohet me kontributin e përbashkët të qeverisë shqiptare, për infrastrukturën, qendrën komunitare, shkollën e njësinë administrative dhe Fondacionit “Fundjavë Ndryshe”, që po investon dhurimet e qytetarëve për familjet e prekura nga tërmeti, në 20 shtëpi të reja.

Kryeministri Rama ndau sot pamje nga kantieri i rindërtimit në Vaqarr, ku punimet kanë ecur me ritme të larta.

“Mirëmëngjes dhe me këtë vështrim nga lagjja e Rilindjes së Vaqarrit, ju uroj një ditë të bukur”, tha Rama.

Nga ana e bashkisë së Tiranës është ndërtuar komplet infrastruktura e kësaj lagjeje si dhe do të nisë ndërtimi i shkollës. Po ashtu është prishur edhe Pallati i Kulturës që do të bëhet e gjitha qendër komunitare.

Ndërkohë 20 banesa të Vaqarrit janë ndërtuar me kontributin e fondacionit “Fundjavë ndryshe” dhe do t’u dorëzohen të mobiluara banorëve.

Lagjes më të re në kryeqytet, që është vetëm 1.5 km larg nga Kombinati, do t’i mundësohet edhe transporti publik, duke shtuar një stacion për linjën e Kombinatit si dhe lehtësira të tjera për fëmijët dhe të rriturit që do të jetojnë aty.

Author
Hermes News

Redaksia

Shkruaj një koment

0 Komentet