“Europianët kanë marrë më tepër elektricitet nga materialet e riciklueshme se sa nga qymyri apo materiale të tjera të djegshme vitin e kaluar”, sipas një raporti nga Ember dhe Agora Energy. Raporti i cili kontrollon sektorin e energjisë eurpiane që nga 2015, ka gjetur se përqindja e energjisë së riciklueshme ka qenë 38% më e lartë se një vit më parë.

Të dhënat u mblodhën edhe nga burime të tjera si energjia diellore dhe ajo e erës, të cilat kanë patur rritje të nivelit në Bashkimin Europian. Të dyja burimet energjetike janë dyfishuar që nga 2015. Kjo është edhe arsyeja se përse energjia e krijuar nga djegia e qymyrgurit u ul me 20% vitin e kaluar, duke prodhuar gjithësej 13% të elektricitetit në Europë.

“Rritja e madhe e energjisë diellore dhe e erës ka bërë që të përgjysmohet ajo e qymyrgurit, por ky është vetëm fillimi”, deklaron Dave Jones, analist i energjisë për kompaninë si dhe drejtues i raportit. “Europa po drejtohet drejt energjisë së pastër, për t’u siguruar se përdorimi i qymyrit të jetë jashtë përdorimit në 2030, por edhe të mos ketë lëshim të gazit në atmosferë. Kjo do të ndikojë në mbylljen e centraleve atomike dhe të ngrejë përdorimin e energjisë së makinave elektrike”.

Vitin e kaluar shpërthimi i Covid-19 dhe masat e forta që u morrën ndaj tij, bënë që energjia të përdoret shumë më pak në të gjithë globin. Në Europë, përdorimi i energjisë u ul me 4% në 2020 sipas raportit, duke bërë që Covid të ndikojë goxha në rritjen e energjisë së riciklueshme. Që nga viti 2015, përdorimi i elektricitetit nga burime të riciklueshme në Europë pati një rritje të madhe, duke bërë që ky burim të përdorej në masën 29%.

Informacioni i ndjekur nga drejtuesit e BE-së, informon se muajin e kaluar lëshimi i gazit në atmosferë nga energjitë e pastra të shkojë në 55% nga viti 1990 deri në 2030. “Ringritja e ekonomisë pas pandemisë nuk duhet të ulë masat ndaj klimës”, shton Patrick Graichen, drejtor i kompanisë Agora Energy. “Ne kemi nevojë për një ligj shumë të fortë ndaj klimës, sidomos ndaj energjisë së gjelbër për të vazhduar procesin”, përfundon ai.